az

"Mətanət A" şirkəti VI məzun-karyera sərgisində iştirak edib

2019-05-22

Ölkənin əmək bazarında yeni iş yerlərinin yaradılmasında maraqlı olan və şirkət əməkdaşlarının sıralarını hər zaman yeni-yeni əməkdaşlar hesabına genişləndirən "Mətanət A" şirkəti Azərbaycan Dövlət Neft və Sənaye  Universitetində keçirilən tələbə və məzunlar üçün növbəti karyera sərgisində iştirak edib. Şirkət bu ali təhsil ocağında artıq altıncı dəfə təşkil olunan sərgidə müxtəlif xarakterli 10-a  yaxın vakansiya təqdim edib. Tələbə və məzunlar Azərbaycanın əmək bazarında yüksək səviyyəli iş şəraiti və adekvat əmək haqları təklif edən biznes strukturu kimi tanınan  "Mətanət A" ailəsinə üzv olmanın üstünlükləri ilə tanış olub, iş təklifləri ilə yaxından maraqlanıblar. Şirkətin mütəxəssisləri sərgi iştirakçılarına vakansiyalarla bağlı ətraflı məlumat veriblər.  "Mətanət A" şirkətində işləmək arzusunda olan gənclər elə sərginin gedişi sırasında işə qəbulla bağlı doldurduqları anket və CV-lərini "Mətanət A" şirkətinin İnsan Resursları Departamentinin nümayəndələrinə təqdim ediblər.  Sərgidə ümumilikdə 84 şirkət 591 vakant iş yeri təklif edib. Eyni zamanda, 262 təcrübə yeri təklif olunub. 

Qeyd edək ki, "Mətanət A" şirkətinin əsası 2000-ci ildə qoyulub və qısa müddət ərzində milli şirkətlər arasında aparıcı yerlərdən birinə sahib olaraq innovativ texnologiyalar sayəsində yüksək inkişaf səviyyəsinə çatıb. Müasir texnologiyalarla təchiz olunmuş zavodlarında istehsal edilən məhsullar ölkəmizdə və onun hüdudlarından kənarda istifadəçilərin rəğbətini qazanaraq şirkəti öz sektorunda qabaqcıl biznes strukturlarından birinə çevirib. Hazırda şirkət 3 sistemdə, 24 mal qrupunda fəaliyyət göstərməklə 200-dən çox ticarət markasına və 1000-dən artıq məhsul çeşidinə malikdir. Müştərilərə həm çeşid zənginliyi, həm rahatlıq, həm də keyfiyyət baxımından tam xidmət göstərməklə daim yeni ideyaların ortaya qoyulması şirkətin əsas prinsiplərindəndir. Karyeranızı dinamik inkişaf edən innovativ bir şirkətdə - "Mətanət A" da qurun.