az

Evlərinizi ROKOL-un müsbət enerjisi ilə zənginləşdirin.

2018-07-27

Yaşadığın, oturduğun məkanın rahatlığı, müsbət enerjisi həm də onun quruluşundan, döşənməsindən, məkandakı rənglərin ahəngindən asılıdır. Fen şuy fəlsəfəsinə görə, hər rəngin işığı insana bir başqa enerji verir. Məsələn, mavi rəng rahatlıq verici, hüzurverici bir mühit yaradır. Tünd mavi ağıl və su rəngidir. Qara isə insanın gücünü simvolizə edir, qorunma enerjisi verir. Yaşıl təbiətin, sağlamlığın rəngidir. Dinclik və daxili tarazlığı təmin edir. Bənövşəyi rəng isə ruhi fərqlilik, zehni və fiziki şəfa enerjisi mənbəyidir. Fen şuy filosofları narıncı rəngin yaradıcı gücü artırdığınI, konsentrasiyanı gücləndirdiyini, qırmızı rəngin isə sevgi və sevinc mənbəyi olduğunu bildirilər.

 

Bəs, bu müsbət enerjiləri evə necə cəlb etməli? Bunun çox sadə bir yolu var: mənzillərinizi yeni nəsil ROKOL boyaları ilə boyayın.

 

“Mətanət A” Şirkəti yeni nəsil boyaların - ROKOL boyalarının istehsalına 2011-ci ildə start verib. ROKOL boyaları sintetik əsaslı boyalar, emulsiya boyaları, sellülozik boyalar və izolyasiya boyaları olmaqla 4 əsas istiqamətdə istehsal olunur.

 

ROKOL boyalarının analoji məhsullardan bir çox üstünlükləri var. Məsələn,  tətbiq zamanı səthə mükəmməl yapışır, qısa zamanda çatlama və qopma təhlükəsi yoxdur. Uzunömürlüdür. Ondan hər cür səthin boyanmasında, bütün növ metal, taxta, suvaq, və beton səthlərdə istifadə edə bilərsiniz. Yağışa və nəmə, yüksək temperatura, korroziyaya davamlıdır. Eyni zamanda rəngi solmur və nəticədə təmir olunmuş məkan öz rəng ahəngini daha uzun müddət ərzində qorumuş olur.

 

İnşaat materiallarının istehsalı üzrə ölkəmizin və regionun aparıcı şirkətlərindən biri olan “Mətanət A” şirkəti istehlakçıların böyük rəğbətini qazanmış ROKOL boyaları ilə ənənəvi və yeni rəng tonlarının istehsalı ilə müştərilərə daha geniş seçim imkanı verir. ROKOL boyaları 2012-ci ilin yekunlarına görə, “İlin uğurla inkişaf edən boya brendi” nominasiyasında Uğur Milli Mükafatına layiq görülüb. Sizin bu boyaların içərisindən istədiyiniz rəng tonunu seçmək imkanınız var. Bu gün ROKOL boyalarının alıcıya təklif etdiyi rəng tonları mindən artıqdır. ROKOL boyaları ilə yaşadığınız və çalışdığınız məkanı rəngləndirin, o zaman həyatınız da rəngarəng olar.